Franz von Stuck

Dr Franz Stuck, sit 1906 Ritter von Stuck (* 23. Februar 1863 z Tettenweis, Landkreis Passau, Niiderbayre; † 30. August 1928 z Münche) isch e dütsche Zäichner, Mooler und Bildhauer gsi.

Vo 1895 aa isch dr Stuck Brofässer an dr Münchner Akademii gsi und het under anderem em Wassily Kandinsky, Paul Klee, Josef Hengge, Georges Kars, Paul Stollreither und Heinrich Strieffler Underricht gee. Er isch e Mitgliid vo dr International Society of Sculptors, Painters and Gravers worde, wo dr Whistler 1897 z London gründet het.

Dr Stuck isch seer an Gsamtkunstwärk intressiert gsi. E Bischbil für das isch d Willa an dr Prinzregentenstraße z Boogehuuse us em Joor 1898, won er au d Möbel und Blastike drfür gmacht het.

Dr Stuck isch e Verdräter vom Münchner Juugedstiil gsi, aber au, oder sogar vor allem vom Symbolismus.